ნიტროპოლი

ნიტროპოლი არის მაღალკონცენტრირებული მინერალური ზეთი, რომელიც ანადგურებს მავნებელთა მოზამთრე სტადიებს: კვერცხებს, მატლებსა და გამოზამთრებულ ფორმებს, რომლებიც სხვა პრეპარატებისთვის მიუწვდომელია. იგი წყვეტს მავნებლის გამრავლების ჯაჭვს სეზონის დასაწყისშივე და ანადგურებს მავნებლებს იქ, სადაც სხვა პრეპარატები ვერ აღწევენ.

ნიტროპოლი: 5 ეფექტი ერთ პრეპარატში

• ინსექტიციდი: ეფექტურად ანადგურებს მცენარის წვენით მკვებავ მავნებლებს: ფარიანებს, ბუგრებს, ფსილებსა და ფრთათეთრებს.
• აკარიციდი: საუკეთესო საშუალება ტკიპების (წითელი, ყვითელი, აბლაბუდიანი) წინააღმდეგ საბრძოლველად.
• ოვიციდი: ფარავს და აღწევს კვერცხის გარსში, თრგუნავს ემბრიონის განვითარებას და წყვეტს გამრავლების ციკლს.
• მიმწებებელი: ზეთოვანი ბუნების წყალობით უზრუნველყოფს სამუშაო ხსნარის იდეალურ მიწებებას და თანაბარ გადანაწილებას.
• მეორადი ფუნგიციდი: ქმნის ფიზიკურ ბარიერს, რომელიც ხელს უშლის სოკოვანი დაავადებების სპორების მიკვრასა და განვითარებას.

მოქმედების მექანიზმი:

• გაგუდვის ეფექტი: პრეპარატი მავნებელსა და მის კვერცხებს ფარავს თხელი, ჰერმეტული აპკით.
• სასუნთქი გზების ბლოკირება: ზეთოვანი ფენა ფიზიკურად კეტავს მწერის სასუნთქ გზებს, რაც იწვევს მის მყისიერ გაგუდვას.
• ემბრიონის განვითარების შეჩერება: ზეთი აღწევს კვერცხის გარსში და ხელს უშლის მავნებლის ახალი თაობის ჩამოყალიბებას.

უპირატესობები:

• რეზისტენტობის მართვა: პრეპარატს არ ახასიათებს რეზისტენტობა — ფიზიკური მოქმედების (გაგუდვა) გამო მავნებლებს გამძლეობა არ უვითარდებათ.
• ფარმაცევტული სიწმინდე: დამზადებულია მაღალგაწმენდილი პარაფინის ზეთისგან (ევროპული ფარმაკოპეის სტანდარტის შესაბამისად). მაღალი არასულფონირებული ნაშთი (UR) გამორიცხავს ფიტოტოქსიკურობას.
• მაღალი კონცენტრაცია: შეიცავს 97.6% სუფთა პარაფინის ზეთს, რაც უზრუნველყოფს მოქმედი ნივთიერების მაქსიმალურ შემცველობას ყოველ ლიტრში.

გამოყენების რეკომენდაცია

ლოდინის პერიოდი: 0 დღე.

გამოყენების ჯერადობა: 1-2 ჯერ

გამოყენების დრო: ხეხილოვანი და კაკლოვანი კულტურები – შესხურება ტარდება მიძინებულ ბაღში, ზამთრისა და ადრე გაზაფხულის პერიოდში (თებერვალი-მარტი), კვირტების დაბერვამდე. ციტრუსი – შესხურება რეკომენდებულია ზაფხულის განმავლობაში (ივნისი-ივლისი) ან მოსავლის აღების შემდეგ, ზამთრის პერიოდში ყვავილობამდე.