პრემიუმი

ინსექტო-ფუნგიციდი, თესლის შესაწამლი

იმიდაკლოპრიდი 140 გ/ლ + პენციკურონი 150 გ/ლ; სუსპენზიის კონცენტრატი

დანიშნულება: პრემიუმი არის სისტემური და კონტაქტური მოქმედების ინსექტო-ფუნგიციდი, რომელიც იცავს კარტოფილის თესლს კომპლექსური დაავადებებსაგან და მავნებლებისაგან.

რეზისტენტობის მართვა: რეზისტენტობის მართვის მიხედვით პრემიუმი შეიცავს 20 ჯგუფის ფუნგიციდს პენციკურონს და ნეონიკოტინოიდების კლასის 4A ჯგუფის ინსექტიციდს იმიდაკლოპრიდს. რეზისტენტობის წარმოქმნის თავიდან ასაცილებლად პრემიუმი და სხვა ქიმიური კლასის პრეპარატები გამოიყენეთ მონაცვლეობით.

თავსებადობა: პრემიუმი თავსებადია უმეტეს ზრდის რეგულატორებსა და მინერალურ სასუქებთან. ამასთან, თითოეული ახალი შემთხვევისას საჭიროა წინასწარ შემოწმდეს ქიმიურ თავსებადობაზე.

სამუშაო ხსნარის მომზადება: სამუშაო ხსნარის მომზადებისას 1 ლიტრი პრემიუმი გახსენით 10-20 ლიტრ წყალში. ხსნარის ეს რაოდენობა საკმარისია 1 ტონა კარტოფილის სათესლე მასალის დასამუშავებლად.

შეზღუდვები და მითითებები: სამუშაო ხსნარი კარტოფილის ბოლქვებს შეასხურეთ დარგვამდე, თანაბრად. დამუშავებული კარტოფილის თესლის დარგვა უნდა მოხდეს მალევე.

ფიტოტოქსიკურობა: არ არის ფიტოტოქსიკური დასაცავი კულტურის მიმართ. უსაფრთხოა სასარგებლო მწერების მიმართ.

ზემოქმედების სიჩქარე: შესხურებისთანავე

დაცვითი მოქმედების პერიოდი: 190 – 200 დღე. ხანგრძლივობა დამოკიდებულია დაავადების, მავნებლის გავრცელების

ინტენსივობასა და კლიმატურ პირობებზე.

ეკოლოგიური უსაფრთხოების რეკომენდაციები: ტოქსიკურია თევზისა და სხვა წყლის ორგანიზმებისთვის.

ტოქსიკურობის კლასი: U

კულტურა,	დაავადება, მავნებელი	ხარჯვის ნორმა (ლ/ტ)	გამოყენების ხერხი, დრო, გამოყენების თავისებურება	ლოდინის პერიოდი (გამოყენების ჯერადობა)
კარტოფილი	რიზოქტონიოზი, კოლორადოს ხოჭო, ბუგრები	1-1.3	სათესლე მასალის თესვისწინა დამუშავება	-(1)

დამუშავებულ ფართობზე ხელით (მექანიზირებული) სამუშაოების დაწყების დრო: -(-)