დანიშნულება:

გრავიტონი სისტემური მოქმედების ფუნგიციდი დამცავი, პროფილაქტიკური და სამკურნალო მოქმედებით. ის იცავს კულტურას დაავადებების გამომწვევი პათოგენებისგან, უზრუნველყოფს მოსვლიანობასა და მის ხარისხს. გრავიტონი გამოიყენება ვაშლისა და მსხლის კულტურებში ქეცის წინააღმდეგ, კურკოვან კულტურებში კლასტეროსპორიოზის, ქეცისა და კოკომიკოზის, შაქრის ჭარხალში ნაცარისა და ცერკოსპოროზის, კარტოფილსა და პომიდორში ფიტოფტოროზის წინააღმდეგ, ციტრუსში ქეცის, სტაფილოში ალტერნარიოზის, ხოლო თხილსა და მიწისთხილში ლაქიანობის წინააღმდეგ საბრძოლველად. დიფენოკონაზოლი მოქმედებს მცენარეში სოკოს პათოგენების შეღწევის წინააღმდეგ და ხელს უშლის ჰაუსტორიის წარმოქმნას. იგი აჩერებს სოკოვანი დაავადების განვითარებას უჯრედულ მემბრანებში სტეროლების ბიოსინთეზში ჩარევით. ზოგიერთი მცენარეთა დაცვის საშუალებებისგან განსხვავებით რომლებიც რჩებიან მცენარის ზედაპირზე და ებრძვიან პათოგენს ლოკალურად, მხოლოდ უშუალოდ მასთან კონტაქტის დროს, გრავიტონი ნაწილდება მთლიანად ფოთლის ზედაპირზე და შეიწოვება ფოთლის ქსოვილებში, სადაც იქმნება ერთგვარი რეზერვუარი, რაც განაპირობებს ფოთლის, როგორც შესხურებული, ასევე შეუსხურებელი ნაწილის დაცვას.