დიმანკო 9+60

ფუნგიციდი

მოქმედი ნივთიერება: დიმეტომორფი 90 გ/კგ + მანკოცები 600 გ/კგ; სფ

დანიშნულება: დიმანკო 9+60 არის სისტემურ–კონტაქტური მოქმედების ფუნგიციდი, რომელსაც გააჩნია, როგორც პროფილაქტიკური, ასევე სამკურნალო მოქმედება და გამოიყენება ვაზის, კარტოფილის, ბოსტნეულისა და სხვა სასოფლო–სამეურნეო კულტურების ძირითადი სოკოვანი დაავადებებისაგან დასაცავად.

რეზისტენტობის მართვა: რეზისტენტობის წარმოქმნის თავიდან ასაცილებლად გამოიყენეთ დიმანკო 9+60 (M03 და 40 ჯგუფი) და სხვა ქიმიური კლასის პრეპარატები მონაცვლეობით. 

თავსებადობა: თავსებადია თითქმის ყველა პესტიციდსა და აგროქიმიკატთან. სამუშაო ნარევის მომზადების წინ მიზანშეწონილია პრეპარატების შემოწმება თავსებადობაზე მცირე რაოდენობის  შერევით.

სამუშაო ხსნარის მომზადება: მუდმივი შერევის პროცესში წყალში ჩაამატეთ საჭირო რაოდენობის პრეპარატები შემდეგი მიმდევრობით: ჯერ მშრალი ფორმულაციები (სფ, წდგრ), შემდეგ თხევადი (სკ, სე, ზწე, ეკ, წხ) და შემდეგ მიმწებებელი.

შეზღუდვები და მითითებები: არ შეასხუროთ ცხელი ქარების, მოსალოდნელი წვიმის ან სხვა არასტაბილური კლიმატური პირობების დროს. 

ფიტოტოქსიკურობა: რეკომენდებული ნორმებისა და დოზების გამოყენებისას პრეპარატი არ არის ფიტოტოქსიკური. 

ზემოქმედების სიჩქარე: შესხურებისთანავე

დაცვითი მოქმედების პერიოდი: 10– 14 დღე. ხანგრძლივობა დამოკიდებულია დაავადების ინტენსივობაზე. 

ეკოლოგიური უსაფრთხოების რეკომენდაციები: ტოქსიკურია თევზისა და სხვა წყლის ორგანიზმებისთვის, ნაწილობრივ მავნებელია ფრინველების, ცხოველების და ნაკლებად ტოქსიკური ფუტკრებისთვის. 

ტოქსიკურობის კლასი: III

კულტურა	დაავადება	ხარჯვის ნორმა კგ/ჰა	გამოყენების ხერხი, დრო, გამოყენების თავისებურება	ლოდინის პერიოდი (გამოყენების ჯერადობა)
კარტოფილი	ფიტოფტოროზი, მაკროსპორიოზი, ალტერნარიოზი	2- 2.5	შესხურება ვეგეტაციის პერიოდში 0,4-0,5%-იანი სამუშაო ხსნარით	20(2-3)
ვაზი	ჭრაქი	2	შესხურება ვეგეტაციის პერიოდში	40(3)
პამიდორი (ღია და დახურული გრუნტი)	ფიტოფთოროზი, ალტერნარიოზი	2	შესხურება ვეგეტაციის პერიოდში	40(3)
კიტრი (ღია გრუნტი)	ჭრაქი	2	შესხურება ვეგეტაციის პერიოდში	15(3)

დამუშავებულ ფართობზე ხელით (მექანიზირებული) სამუშაოების დაწყების დრო: 7(3)